Аймаг, нийслэл, сум, дүүргийн ИТХ-ын сонгуулийн санал хураалт тун удахгүй өндөрлөх гэж байна. 19:00 цагийн байдлаар улсын хэмжээнд сонгогчдын ирц 50 хувьд хүрээд байгаа юм.

Гэвч сонгогчдын ирцээр Улаанбаатар хотын иргэд 40 гаруй хувийн ирцтэйгээр "сүүл мушгиж" байгаа юм. Нийслэлийн хэмжээнд 1.1 сая иргэн саналаа өгөх учиртай. Гэтэл ирц нь талдаа ч хүрээгүй байгааг СЕХ-ноос мэдээллээ.

Нийслэлчүүдийн хувьд түгжрэл, агаарын бохирдол, автобусны хүрэлцээ гээд хамгийн их тулгамдсан асуудалтай бүс билээ. Дашрамд дурдахад, НИТХ-ын төлөөлөгч нь иргэдийн хамгийн ойрын төлөөлөгч бөгөөд дээр дурдсан тулгамдсан асуудлуудыг НИТХ-д уламжилж, цаашлаад Засаг даргын түвшинд шийдвэрлүүлэх ач холбогдолтой хүмүүс юм.

Иймд иргэд та бүхэн сонгуульдаа идэвхтэй оролцохыг уриалж байна.