Засгийн газрын өнөөдрийн ээлжит хуралдаанаар Цагааннуур-Улаанбайшинт чиглэлийн 25.8 км хатуу хучилттай замын барилгын ажилд хэрэглэх түгээмэл тархацтай ашигт малтмал хайх, ашиглах талбайн солбицлыг батлажээ.

Азийн хөгжлийн банкны зээлээр Ховд-Өлгий-Улаанбайшинтын 189.7 км хатуу хучилттай автозам тавихаар төлөвлөж Ховд-Өлгий чиглэлийн 163.9 км-ыг нь 2019 онд ашиглалтад оруулсан. Үлдсэн 25.8 км буюу Цагааннуур-Улаанбайшинтын замыг 2022 онд дуусгахаар төлөвлөж байна. Ингэснээр БНХАУ-тай хил залгаа Булган боомтоос ОХУ-тай хил залгаа Улаанбайшинтын боомт хүртэлх 746 км зам бүхэлдээ хатуу хучилттай болох аж.