АНУ-ын Ерөнхийлөгч Дональд Трампын охин, зөвлөх Иванка Трамп аавд нь гайхалтай асаргаа сувилгаа үзүүлсэн Уолтер Ридийн нэрэмжит эмнэлгийн чадварлаг багийнханд талархал илэрхийлсэн байна.

“COVID-19”-өөр халдварласан хүн бүхнийг асарч сувилсан эмч, сувилагч, галын шугамд ажиллаж буй бүх хүнд улс талархал илэрхийлэх асар том өртэй гэж И.Трамп “Twitter” хуудсандаа нийтэлжээ. Д.Трамп коронавирусний шинжилгээний хариу нь эерэг гарсан талаар өнгөрсөн баасан гарагт мэдээлж, тухайн өдөртөө эмнэлэгт хүргэгджээ. Тэрбээр гурван хоног эмчилгээ хийлгэж эмнэлгээс гарсан юм.