УИХ-ын ээлжит бус чуулганаар 2024 оны улсын төсвийн тодотгол болон хамт өргөн мэдүүлсэн зарим хуулийн төслүүдийг хэлэлцэж буй. Эдгээрээс Тендерийн хуулийн нэмэлт өөрчлөлтийг зарим гишүүд эсэргүүцэж буйгаа мэдэгдэж, зарчмын зөрүүтэй санал гаргасан байдаг.
Тэгвэл яг одоо УИХ дахь МАН-ын бүлэг хуралдаж буй бөгөөд 2024 оны төсвийг дагалдуулан өргөн барьсан Тендерийн хуулийн нэмэлт, өөрчлөлтийг төсөл санаачлагч Засгийн газарт буцаах нь зүйтэй гэж шийдвэрлэсэн талаар УИХ-ын гишүүн Б.Энхбаяр цахим хуудаснаа бичжээ.
Мөн УИХ дахь МАН-ын бүлгийн дарга Л.Мөнхбаатар "Төсөв батлах УИХ-ын онцгой бүрэн эрхэд халдсан заалт Тендерийн хуулийн өөрчлөлтөд байж болзошгүй учраас хууль санаачлагч ЗГ-т буцаах нь зөв гэж үзлээ" гэж мэдэгдсэн юм.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!