"Парис-2024" зуны XXXIII олимпын наадам Францын нийслэл Парис хотноо үргэлжилж байна. Долоодугаар сарын 26-нд эхэлсэн олимпын наадмыг өнөөдрийн байдлаар медалийн чансаагаар БНХАУ тэргүүлж байна. Тодруулбал, тус улсын баг, тамирчид 21 алт, 18 мөнгө, 14 хүрэл медаль хүртээд байгаа аж.
Харин АНУ 20 алт, 30 мөнгө, 28 хүрэл медаль хүртсэн амжилтаар удаалж байна. Монгол Улсын тухайд, нэг мөнгөн медаль хүртсэн амжилтаар нийт 206 орноос 54 дүгээр байрт жагсаж байгаа юм.
Сануулахад, жүдо бөхийн эмэгтэйчүүдийн -48 кг-ын жинд барилдсан Бавуудоржийн Баасанхүү мөнгөн медаль хүртэж, эх орондоо ирээд буй билээ.
