"Zarig.mn" сайтын эрхлэгч, сэтгүүлч Н.Өнөрцэцэгт холбогдох хэргийн гэм буруугийн шүүх хурал хоёр дахь өдрөө үргэжилж, 4 жил 9 сарын хорих ял оноосон. Шүүхийн шийдвэрийн талаар БЗД,ЧД,СБД-ийн ЭХАШШ-ийн хэвлэл мэдээлэл, олон нийттэй харилцах мэргэжилтэн н.Өлзийтүвшин мэдээлэл өглөө. Тэрбээр "Шүүгдэгч Н.Өнөрцэцэгт илт худал мэдээллийг олон нийтэд тараасан, төрийн нууц мэдээллийг олж авсан, татвар төлөхөөс зайлсхийсэн гэх таван үндэслэлээр 4 жил 9 сарын хорих ял оноолоо" гэв.