Төв цэнгэлдэх хүрээлэнд шинээр дэвссэн хиймэл зүлэг стандартын шаардлага хангаагүй, халтиргаатай байсантай холбоотойгоор наадмын барилдааны үеэр бөхчүүд халтирч унах, гэмтэж бэртэх тохиолдол их гарсан.

Олон нийт эл асуудалд шүүмжлэлтэй хандаж, хариуцлага нэхэж байгаа ч өнөөдрийн байдлаар хариуцлага хүлээсэн хүн нэг ч алга. Төв цэнгэлдэх хүрээлэнгийн захирал Ж.Энхжаргалан, бөхчүүдээс уучлалт гуйсан болоод өнгөрсөн бол Хотын дарга Х.Нямбаатар Үндэсний олон нийтийн радио телевизэд өгсөн ярилцлагадаа, "Бороо их орсон. Халтиргаа гулгаа үүссэнийг бид нийтээрээ харсан. Ирэх жилийн наадмыг үндсэн зүлгэн дээр зохион байгуулах бэлтгэл ажил руу оръё гэдэг шийдэлд хүрсэн" гэж мэдэгдсэн байна.