УИХ-ын ээлжит чуулганы хуралдаан өнөөдөр /2024.07.05/ хуралдах товтой байна. Хуралдаанаар Ерөнхий сайдыг томилох аж. Өөрөөр хэлбэл, энэ удаагийн сонгуульд МАН 68 суудал авч, ялалт байгуулснаар Засгийн газраа байгуулах боломжтой болсон хэдий ч УИХ-д суудалтай намуудтай хамтарсан Засгийн газар байгуулах асуудал яригдаж буй.

Ингэхдээ МАН-ын Үндсэн дүрмийн 24.3-т “УИХ-ын сонгуульд Нам олонх болсон бол Намын даргыг Ерөнхий сайдад нэр дэвшүүлнэ” гэж заасан байдаг. Үүнтэй холбоотой тогтоолыг намын Удирдах зөвлөлөөс өнгөрөгч тавдугаар сарын 20-нд болсон намын хурлынхаа үеэр баталсан бөгөөд одоогийн Ерөнхий сайд Л.Оюун-Эрдэнэ улиран томилогдоно гэсэн үг юм.

Мөн УИХ-ын дэд даргын томилгоог хэлэлцэх юм. Ардчилсан намаас УИХ-ын гишүүн Б.Пүрэвдоржийг, МАН-аас Х.Булгантуяаг дэмжээд байгаа билээ.