Зэсийн ханш өнгөрсөн баасан гарагт сүүлийн хоёр жилийнхээ дээд түвшинд хүрэв. Уг таваарын хэрэглээний тал орчим хувь нь ногддог БНХАУ-д зэсийн эрэлт ихэснэ гэсэн хүлээлт үүсэж, ам.долларын ханш суларч байна. Эдийн засгийн хамтын ажиллагаа, хөгжлийн байгууллага урд хөршийн ДНБ-ий өсөлтийн төлөвийг дээшлүүлсэн билээ. Лондоны металлын биржид тонн зэсийн бенчмарк үнэ 6850 ам.долларт хүрсэн нь 2018 оны зургадугаар сараас хойших дээд үзүүлэлт аж.

Суурь металлын ханш өнгөрсөн гуравдугаар сард сүүлийн 45 сарынхаа доод түвшинд хүрснээс хойш 55 хувиар өссөн байна. Мөн сүүлийн зургаан долоо хоногийн турш үнэ өссөнийг шинжээчид тэмдэглэжээ.