“Үндэсний Эвсэл”-ээс цаг үеийн асуудлаар 19.00 цагт мэдээлэл хийхээр боллоо. Тодруулбал, өнөөдөр "Үндэсний Эвсэл”-ийн сонгуулийн төв штабт хууль хүчний байгууллагаас шалгалт хийсэн. Үүнтэй холбоотойгоор сонгуулийн штабт ажиллаж байсан 150 хүнээс цагдаагийн байгууллагаас байцаалт авахаар болсон талаар "Үндэсний Эвсэл"-ийн гишүүн, хуульч О.Батхүү цахим хуудастаа нийтэлсэн юм. Харин цагдаагийн байгууллагаас "Нэр бүхий хоёр иргэнээс ирүүлсэн гомдол мэдээллийн дагуу "Үндэсний эвсэл"-ийн байранд хойшлуулшгүй ажиллагаа явуулсан. Шалгалтын явцад тухайн байранд олон тооны компьютер, техник тоног төхөөрөмж суулгасан нь тогтоогдсон" гэх мэдээллийг өгөөд буй юм.