Гоёлын даашинзаа дүрэмтээр сольж, цагдаагийн албанд 15 жил зүтгэсэн Даржаагийн Уянга гэх ахлах дэслэгч бүсгүйг UBN сайт онцолж байна. Цагтаа "ГОЁЛ" наадмын тайзнаа алхаж, топ модель болох зорилго тээж явсан охин аавынхаа мэргэжлийг өвлөн, мөрдэстэй бүсгүйчүүдийн эгнээнд нэгджээ.

Монгол Улсын шигшээ багт дуудагдаж явсан волейболлын спортын мэргэжлийн тамирчин, дөрвөн охинтой алдарт эх, 240 км цагийн хурдтай, 260 кг жинтэй цагдаа мотоцикл хөлөглөж, төрийн дээд түвшний айлчлалын хамгаалалтад гардаг таван эмэгтэй алба хаагчийн нэг гээд Д.Уянгааг тодорхойлох олон тодотгол бий.

Эрчүүдийн гэх тодотголтой албанд 15 жил зүтгэхдээ ар гэр, ажил алба, амбицаа алийг нь ч орхилгүй хослуулан авч явсан хүчирхэг бүсгүйчүүдийн төлөөлөл болсон дайчин бүсгүйн түүхээр хамтдаа аялцгаая.