Монголбанкны үнэт металл худалдан авах үнийг дэлхийн зах зээл дээрх үнээр тогтоодог. Өнгөрсөн сард алт худалдаж авах дундаж үнэ 260.999.41 төгрөг байсан бол энэ сард 251,593.00 төгрөг болж 9406 төгрөгөөр буурчээ.

Сүүлийн өдрүүдэд алтны фьючерс хэлцлийн үнэ 0.25%-иар буурч 2320.9 ам.долларт хүрээд байна. Алтны үнэ өнгөрсөн сард нэг унци нь 2450 ам.долларт хүрч рекорд эвдсэн бүх цаг үеийн дээд үнээсээ ийнхүү буураад байгаа юм.

Шалтгаан нь, Хятадын төв банк алт худалдан авалтаа зогсоосны дараа үнэт металлын үнэ саарч эхэлсэн болохыг ING-ийн шинжээчид тэмдэглэжээ. Хэдий тус банкны алтны нөөц 18 сар дараалан өссөн ч алтны үнэ түүхэн дээд үеийн түвшинд хүрч байгаагаас шалтгаалан худалдан авалт нь удааширсан юм.