Зургийн тайлбар: Sony компаниас танилцуулж буй  “PlayStation 5” видео тоглоомын консол

Sony компани “PlayStation 5” видео тоглоомын консолоо арваннэгдүгээр сарын 12-нд 399,99 долларын үнэтэй худалдаанд гаргана хэмээн Sony Interactive Entertainment мэдээлжээ.

Мөн Ultra HD Blu дискний хөтөчөөр тоноглогдсон өөр нэг загвар нь 499.99 долларын үнэтэй байх болно хэмээн PlayStation консолуудын хөгжүүлэлт, борлуулалтыг хариуцсан Sony компани мэдэгдсэн байна. Энэхүү санал болгож буй үнэд татвар тооцоогүй бөгөөд дэлгүүрүүд бүтээгдэхүүний урьдчилсан захиалгыг хэдийн авч эхэлжээ.

Түүнчлэн PS5 дотор шинэ зураглал, чанар сайтай хэд хэдэн тоглоом багтсан болно. Жилийн эцэс хүртэл худалдаан авагчдыг ажиглан өрсөлдөгч Майкрософт Корпораци Xbox Series X консолоо 11-р сарын 10-нд 499 доллараар зарахаар төлөвлөсөн байна.

С.Хонгорзул