Киргиз улсад удаа дараа залилах гэмт хэрэг үйлдэж, Интерполын “Улаан булант” зар мэдээгээр олон улсын хэмжээнд эрэн сурвалжлагдаж, Монголд орогнож байсан тус улсын иргэн “Б”-г Зорчигчийн мэдээллийн урьдчилсан системээр илрүүлж энэ сарын 28-ны өдөр Монгол Улсаас Казахстан улс руу гарахаас өмнө баривчилж, Чингэлтэй дүүргийн Эрүүгийн хэргийн анхан шатны шүүхийн шийдвэрийн дагуу хорих 461 дүгээр ангид цагдан хорьсон байна.
Ташрамд дурдахад, энэ онд цагдаагийн байгууллагаас Интерполын шугамаар болон “Шувуу” ажиллагааны хүрээнд гадаад улсад оргон зайлсан нийт 11 гэмт этгээдийг Монгол Улсад албадан авчрах ажиллагааг гүйцэтгэжээ.
