Ногоон автобусны худалдан авалтыг хянан шалгах түр хорооны нээлттэй сонсгол үргэлжилж байна. Яг одоо Нийтийн тээврийн автобус нийлүүлэгчтэй байгуулсан гэрээ, гэрээний нэмэлт өөрчлөлтийн талаар мэдээллийг сонсож байгаа юм.
Шинжээч танилцуулахдаа "2023 оны хоёрдугаар сарын 6-ны өдөр автобусны хөдөлгүүрээс шалтгаалж, үнийн өөрчлөлт орсон тул шинээр авах 606 автобусны тоог 600 болгож бууруулах санал ирснээр гэрээнд өөрчлөлт оруулсан. Гэрээнд өөрчлөлт оруулсан боловч 6 автобусны зөрүү үнийг хасаж тооцоогүй байна. Тодруулбал,
Нэг автобус тус бүрийн үнэ 336 сая 283 мянга 698 төгрөг буюу 6 автобусны зөрүү үнэ нийт 2 тэрбум 17 сая 702 мянга 188 төгрөг байна. Энэ мөнгөн дүнг хасаж тооцоогүй" гэх мэдээллийг өглөө.
