Үндэсний баялгийн сангийн тухай хууль хэрэгжиж эхэлсэнтэй холбоотойгоор Хуримтлалын сангийн данс нээх үйл ажиллагаа боллоо.

Монголбанкны ерөнхийлөгч Б.Лхагвасүрэн: Ипотекийн зээлийн санхүүжилтийн 80 хувийг Монголбанк, 20 хувийг арилжааны банкууд өөрсдийн эх үүсвэрээс гаргаж байсан. Нэг ёсондоо, Монголбанк 500, банкууд 200 тэрбум төгрөг гаргаж, энэ онд ипотекийн зээл олгох шийдвэр гаргаад байв. Тэгвэл өнөөдөр Хуримтлалын санд төвлөрч буй 500 тэрбум төгрөгийг нэмээд, 1.2 их наяд төгрөг болж, санхүүжилт нэмэгдэж байна. Ингэснээр 10 гаруй мянган өрх ипотекийн зээлд хамрагдах боломж бүрдлээ. Энэ оноос эхлэн олгох орон сууцны зээлийг орон нутаг руу түлхүү олгох талаас анхаарч ажиллах болно.