Сүхбаатар аймгийн Эрдэнэцагаан суманд өчигдөр 13:40 цагт гарсан хээрийн түймрийг өнгөрсөн шөнийн 00:40 цагт бүрэн унтраажээ. Гал түймэрт урьдчилсан байдлаар 20.000 га талбай өртсөн байна. Түүнчлэн тус аймгийн Асгат суманд мөн өдрийн 17:25 цагт гарсан хээрийн түймрийг өнөөдөр 07:00 цагт бүрэн унтраасан бөгөөд урьдчилсан байдлаар 14,000 га хээрийн талбай өртсөн аж.

Хаврын хуурайшилтын үе эхэлсэнтэй холбогдуулан ой, хээрийн түймрийн дуудлага эрс нэмэгдэж байгаа тул ой, хээрт явахдаа галын аюулгүй байдлыг сайтар хангаж, сонор сэрэмжтэй байхыг ОБЕГ-аас анхаарууллаа.