ЗГХЭГ-ын дарга Д.Амарбаясгалангаас цаг үеийн асуудлаар тодруулга авлаа.
Тэрбээр:
-Сүүлийн долоон жилийн турш Эрдэнэтийн 49 хувийг хууль бусаар худалдаж авсан этгээдүүдэд хэрэг үүссэн. 31 хүний оролцогчтой хэрэг байгаа. Гол хариуцагч буюу Д.Эрдэнэбилэг гэх хүн гадагшаа гарсан. Үүний улмаас шүүх дээр хэрэг зогссон гэдгийг бидэнд тайлбарласан. Арванхоёрдугаар сарын эхээр нүүрсний сонсгол зохион байгуулсан. Яг тэр долоо хоногт давхцуулаад Эрдэнэтийн 49 хувийн хэрэг шүүхээр орсон. Нүүрсний сонсголыг далимдуулж шүүхийн процесс явсан байх талтай гэж харж байгаа. Үүнийг зохион байгуулсан этгээдүүд аль, аль талдаа гар хөл нь байх магадлалтай.
Учир нь бүхэл бүтэн хоёр өдөр өглөө 09:00-21:00 цаг хүртэл хуралдсан шүүх 49 хувийн хэргийг Монголын ард түмэн огт анзаараагүй.
Тухайн үед нүүрсний хулгайч хэн бэ гэдгийг л иргэд анхаарсан. Энэ бүгд цаанаа урт хугацааны улбаатай, үе шаттай улс төрийн процесс явагдаж байна. Ерөнхий сайд үүнийг 1997-1998 оноос эхэлж локигийн хувьд тайлбарласан. Энэ бол нотлогдох боломжтой зүйл.
