М-Си-Эс групп, Монголын Урлагийн Зөвлөлөөс хэрэгжүүлж буй "Өв Эрдэнэ" соёлын өвийн тэтгэлэгт хөтөлбөрийн хүрээнд Чойжин Ламын Сүм Музейг 2019-2020 онд 1.1 тэрбум төгрөгөөр тохижуулж, тус музей нь нийслэлийн нэгэн шинэ бүтээлч орон зай болсон юм.

"Өв Эрдэнэ" төслийн хүрээнд "Өнгөрснийг маргаашдаа" соёл урлагийн олон талт арга хэмжээ ирэх сарын 1-6-ны өдрүүдэд зохион байгуулагдахаар болжээ. 

Чойжин Ламын Сүм Музейд зохион байгуулах соёл урлагийн олон талт, цуврал арга хэмжээний хүрээнд "Uukhai" скэйтбоардын үзүүлбэр, "Хээрийн кофе" эвент, "Матрикс" медиа өрөг бүтээл, Хүүхдэд зориулсан бүтээлч өдөр, Холио солио гар урлалын худалдаа, номын солилцоо, Буддын бясалгалын лекц, "Түүх соёлын дурсгалт газрыг хамгаалахад олон нийтийн оролцоо ба төр хувийн хэвшлийн түншлэл" хэлэлцүүлэг зэрэг үйл ажиллагаанууд болох аж.