Цагдаагийн байгууллагаас өнгөрсөн долоо хоног буюу гуравдугаар сарын 11-ээс гуравдугаар сарын 17-ны өдрүүдэд нийт 33.308 хэрэгт мөрдөн шалгах ажиллагаа явуулж, шүүхэд шилжүүлэх саналтай прокурорын байгууллагад 346 хэргийг хүргүүлсэн байна.

Экологийн цагдаагийн албанаас иргэн Б нь бусадтай бүлэглэн Сэлэнгэ аймгийн Мандал сумын нутаг дэвсгэрт байх улсын тусгай хамгаалалттай газраас 2023 оны арванхоёрдугаар сарын 5-ны өдөр хууль бусаар ашигт малтмалын эрэл, хайгуул олборлолт хийж газрын хэвлийд халдаж, 2.329.834 төгрөгийн экологи-эдийн засгийн хохирол учруулсан үйлдэлд Эрүүгийн хуулийн тусгай ангийн 24.2 дугаар зүйлийн 1 дэх хэсэгт зааснаар Эрүүгийн хэрэг үүсгэж, яллагдагчаар татан, мөрдөн шалгах ажиллагааны явцад хохирлыг нөхөн төлүүлж, хэргийг шүүхэд шилжүүлэх саналтай Прокурорын байгууллагад шилжүүлжээ.

- Хулгайгаар мод бэлтгэж экологид 6.2 саяын хохирол учруулав -

Мөн иргэн Э нь Булган аймгийн Тэшиг сумын нутаг дэвсгэрт энэ оны нэгүгээр сарын 28-ны өдөр хууль бусаар мод бэлтгэж, 6.200.000 төгрөгийн экологи-эдийн засгийн хохирол учруулсан үйлдэлд Эрүүгийн хуулийн тусгай ангийн 24.6 дугаар зүйлийн 1 дэх хэсэгт зааснаар Эрүүгийн хэрэг үүсгэж, яллагдагчаар татан, мөрдөн шалгах ажиллагааны явцад хохирлыг нөхөн төлүүлж, хэргийг шүүхэд шилжүүлэх саналтай Прокурорын байгууллагад шилжүүлэн ажилласан.

- Иргэн Л, Б нар нь Мод бэлтгэх эрхийн бичиггүй байжээ-

Иргэн Л нь Архангай аймгийн Ихтамир сумын нутаг дэвсгэрээс энэ оны хоёрдугаар сарын 4-ний өдөр мод бэлтгэх эрхийн бичиггүй мод бэлтгэж ойн санд 738.872 төгрөгийн экологи-эдийн засгийн хохирол учруулсан үйлдэлд Эрүүгийн хуулийн тусгай ангийн 24.6 дугаар зүйлийн 1 дэх хэсэгт зааснаар Эрүүгийн хэрэг үүсгэж, яллагдагчаар татан, мөрдөн шалгах ажиллагааны явцад хохирлыг нөхөн төлүүлж, хэргийг шүүхэд шилжүүлэх саналтай Прокурорын байгууллагад шилжүүлэн ажилласан.

Иргэн Б нь Архангай аймгийн Ихтамир сумын нутаг дэвсгэрээс энэ оны хоёрдугаар сарын 4-ний өдөр мод бэлтгэх эрхийн бичиггүй мод бэлтгэж 960.533 төгрөгийн экологи-эдийн засгийн хохирол учруулсан үйлдэлд Эрүүгийн хуулийн тусгай ангийн 24.6 дугаар зүйлийн 1 дэх хэсэгт зааснаар Эрүүгийн хэрэг үүсгэж, яллагдагчаар татан, мөрдөн шалгах ажиллагааны явцад хохирлыг нөхөн төлүүлж, хэргийг шүүхэд шилжүүлэх саналтай Прокурорын байгууллагад шилжүүлэн ажилласан.