НИТХ дахь ХҮН намын бүлгээс өнгөрсөн баасан гарагт Нийслэлийн төсвийн асуудлаар мэдээлэл хийж Хотын даргад шаардлага хүргүүлсэн. Тодруулбал, 2024 оны Нийслэлийн төсвийн тодотголд Сүхбаатарын талбай орчим болон хотын төвийн зам дагуух явган хүний чулуун хавтангуудыг хуулан авч байгалийн чулуугаар солих ажилд 45,6 тэрбум төгрөг зарцуулахаар төлөвлөсөн бөгөөд үүнийг эсэргүүцэн мэдээлэл хийсэн юм.

Тэгвэл НИТХ-аас ХҮН намын шаардлагыг хүлээн авч, хотын төвийн явган хүний замыг шинэчлэх 45,6 тэрбум төгрөгийн тал хувь буюу 22,8 тэрбум төгрөгийг гэр хорооллын зам талбай, үерийн далан байгууламж барихад зарцуулахаар болжээ.