"Моодун хаан" ХХК-аас эрхлэн гаргадаг "Үндэсний шуудан" сонины Ерөнхий эрхлэгчээр Х.Мөнхжин томилогджээ.

2007 оноос хойш үйл ажиллагаагаа явуулж буй өдөр тутмын томоохон сонин болох "Үндэсний шуудан"-г 2016 онд Дамбын Хишигжаргал эзэмших болсон. Тэгвэл тэрбээр сониныхоо Ерөнхий эрхлэгчээр өөрийн хүү Х.Мөнхжинг томилсон байна.

Х.Мөнхжингийн хувьд БНХАУ-ын Бээжингийн их сургуулийг Захиргааны удирдлагын мэргэжлээр төгссөн бөгөөд их сургуулийнхаа улс төрийн факультетыг төгссөн анхны монгол оюутан болж байжээ.

Ингэснээр Х.Мөнхжин нь 26 настайдаа сонины Ерөнхий эрхлэгчээр томилогдож, Монголын өдөр тутмын сонинуудын хамгийн залуу эрхлэгч болж байгаа аж. 

У.БИЛГҮҮН