НИТХ-ын хуралдаанаар нийслэлийн энэ оны төсвийн тодотголыг хэлэлцэж эхэлсэн. Энэ үеэр Хотын дарга Х.Нямбаатар НИТХ-ын төлөөлөгч Д.Гантулга нарын хооронд маргаан дэгдэв. Тодруулбал,
Төлөөлөгч Д.Гантулга Хотын даргыг нийслэлд болсон дэлбэрэлт, ослын үеэр иргэдээсээ уучлалт гуйгаагүй хэмээн шүүмжлэлтэй хандсан юм. Хотын дарга Х.Нямбаатар хариу тайлбар өгч "Д.Гантулга аа, таныг "Суруга Монгол"-д ажиллаж байхад тэдний өвгөнийг А.Гансүх та нарын бүлэглэл хар тамхи хэрэглүүлж, зочид буудалд барьж байгаад газрыг нь булаасан. Та уучлал гуйх хэрэгтэй" гэсэн юм.
Харин Төлөөлөгч Д.Гантулга "Та Хууль зүйн сайд байсан хэрнээ хүнийг ингэж гүтгэж болохгүй. Хэрвээ би тэр хэрэгт холбоотой бол хариуцлагаа 100 хувь хүлээнэ" гэлээ.
