Баянхонгор аймаг, Өлзийт сумын Байн-Ам багийн “Байн хөндий” гэдэг газар суудлын автомашинууд мөргөлдөж, автомашины төмөр эд ангид 4 хүн хавчуулагдан нас барж, 2 хүн гэмтэж бэртсэн харамсалтай үйл явдал болжээ.
Энэ тухай дуудлага 2024.01.30-ны өдрийн 18:45 цагт ОБГ-т ирсэн бөгөөд тус аймгийн Онцгой байдлын газрын Гал түймэр унтраах, аврах 16 дугаар ангийн алба хаагчдыг очиход Улаанбаатар хотоос Баянхонгор аймгийн чиглэлд 2 зорчигчтой зорчиж явсан иргэн Б-ийн “Приус- 11” загварын суудлын автомашин, Говь-Алтай аймгаас Улаанбаатар хотын чиглэлд 4 зорчигчтой зорчиж явсан иргэн Г-ын “Пробокс” загварын суудлын автомашинтай мөргөлдөж, Пробокс” загварын суудлын автомашины жолооч Г /56 настай, эрэгтэй/, С/16 настай, эрэгтэй/ нар гэмтсэн байсан тул Өлзийт сумын сум дундын Нэгдсэн эмнэлгийн түргэн тусламжийн автомашин авч явсан бол автомашинд зорчиж явсан иргэн А/47 настай, эрэгтэй/, иргэн У /34 настай, эрэгтэй/, Приус-11 загварын автомашинд зорчиж явсан иргэн Б /58 настай, эрэгтэй/, Д /60 настай, эмэгтэй/ нар нас барсан байсан тул 22:14 цагт цогцсыг гаргаж, Цагдаагийн байгуллагад шилжүүлэн өгчээ.
