УИХ-ын гишүүн асан Т.Аюурсайхан, "Эрдэнэс Тавантолгой" ХК-ийн гүйцэтгэх захирал асан Б.Ганхуяг нарын 11 хүнд холбогдох хэргийн гэм буруугийн шүүх хурал энэ сарын 15-нд эхэлсэн ч хаалттай хуралдахаар болсон байдаг. Нийт 14 хоногийн турш хаалттай хуралдсаны эцэст шүүх хурал завсарлаж, бүрэлдэхүүн зөвлөлдсөн юм. Тэгвэл шүүх бүрэлдэхүүн өнөөдөр 10.00 цагаас гэм буруугийн дүгнэлтээ танилцуулна. Ингэхдээ тэднийг гэм буруутай гэж үзсэн тохиолдолд ял оногдуулах шүүх хурал үргэлжилнэ.