Монголын сагсан бөмбөгийн үндэсний дээд лигийн Бишрэлт Металл баг өдгөө 30 настай, 191 см өндөр, холбон тоглогчийн байрлалд тоглодог Америк улсаас гаралтай Jaylen Bland гэх тоглогчтой гэрээ байгуулжээ.
Тэрбээр 2016 оны NBA-ийн хөгжлийн лигийн драфтын 15 дахь сонголтоор "Salt Lake City Stars" багт сонгогдож байжээ. Jaylen Bland нь хөгжлийн лигт нийт 50 тоглолтод оролцож, 6.2 оноо, 2.1 самбар, 1.0 оновчтой дамжуулалт дунджилж байсан байна. Мөн өмнө нь өөрийн замналдаа Мексик, Канад зэрэг улсуудын лигт тоглож байсан туршлагатай аж. Өнөөдөр тэрбээр Дархан Юнайтед багийн эсрэг үндэсний дээд лигийн анхны тоглолтдоо оролцох юм.
