Хянан шалгах Түр хорооноос зохион байгуулж буй нүүрсний хоёр дахь шатны сонсгол хоёр дахь өдрөө үргэлжилж байна. Өнөөдрийн сонсголоор “Эрдэнэс Тавантолгой” ХК-ийн борлуулалтын үйл ажиллагаатай холбоотой 6 сэдвээр нотлох баримтыг шинжлэн судаллаа. Энэ үеэр Түр хорооны дарга Б.Энхбаярын зүгээс "Нүүрс худалдан авах тухай гэрээ байгуулахаар ХАРИЛЦАН ТОХИРОЛЦСОН гэсэн байна" гэв. Түүний эл асуултад ЭТТ" ХК-ийн Гүйцэтгэх захирал асан Д.Ариунболд "Найруулга зүйн алдаа байх. Энэ хүмүүстэй харилцан тохиролцоод явна гэж юу байх вэ дээ. Ийм юм байдаг гэдгийг би анх удаа л харж байна" гэв.