Хянан шалгах Түр хорооноос зохион байгуулж буй нүүрсний хоёр дахь шатны сонсгол хоёр дахь өдрөө үргэлжилж байна. Өнөөдрийн сонсголоор “Эрдэнэс Тавантолгой” ХК-ийн борлуулалтын үйл ажиллагаатай холбоотой 6 сэдвээр нотлох баримтыг шинжлэн судаллаа. Энэ үеэр Түр хорооны дарга Б.Энхбаярын зүгээс "Таны 2017 онд 7 компанитай шууд байгуулсан гэрээнээс 9.45 сая ам.доллар олох боломж алдсан байна. Энэ нь Ерөнхийлөгчийн сонгууль болох улс төрийн циклтэй давхцаж байна. Танд намаас ямар нэг чиглэл өгөгдсөн үү" хэмээн асуулаа. Түүний эл асуултад ЭТТ" ХК-ийн Гүйцэтгэх захирал асан Д.Ариунболд "Ерөнхийлөгчийн сонгуультай холбоотойгоор хэн нэгэн хүн "Үнийг бууруул" гэж үүрэг даалгавар өгсөн зүйл байхгүй. Цаг үеийн асуудал байсан" гэв.