Монгол Улсын Их Хурлын дарга Г.Занданшатарын урилгаар Бүгд Найрамдах Энэтхэг Улсын Парламентын Лок Сабхагийн дарга Ом Бирла тэргүүтэй төлөөлөгчид 2023 оны 7 дугаар сарын 6-9-нд Монгол Улсад албан ёсны айлчлал хийх үеэрээ Чингис хаан Үндэсний музейд зочилж Соёлын сайд Ч.Номин угтан авлаа.

Бүгд Найрамдах Энэтхэг Улсын Парламентын Лок Сабхагийн дарга Ом Бирла тэргүүтэй төлөөлөгчид Чингис Хаан Үндэсний музейн Их Монгол Танхим ба Монголын эзэнт улс ба хант улсуудын танхим, Дэлхий дахин ба Монголчууд: Монгол бахархлын танхимыг үзэж сонирхов. Мөн энэ үеэр БНЭУ-ын Парламентын Лок Сабхагийн дарга Ом Бирла Их Монгол Улсын танхимын төвд Чингис хааны хөргийн өмнө тусгайлан бэлдсэн хүндэт зочны дэвтэрт гарын үсэг зурлаа.