Нүүрсний сонсголын эхний шатны сонсгол /2023.12.05/ хоёр дахь өдрөө Төрийн ордонд үргэлжилж буй. Сонсголтой холбогдуулан УИХ-ын гишүүн Б.Пүрэвдорж "360 сая төгрөгийн нүүрс тээврийн машины банкыг дүүргээд 29 км газарт 3 удаа явахад машиныхаа мөнгийг олсон. Шатахуун нь дуусаагүй байхад машиныхаа мөнгийг олдог тээвэр дэлхий дээр байхгүй. Нүүрсний хулгайг ингэж 3 жил хийсэн" хэмээн байр сууриа илэрхийлсэн байдаг. Үүнтэй холбогдуулан ХЗДХ-ийн сайд Б.Энхбаяр өөрийн цахим хуудсаараа дамжуулан "Б.Пүрэвдорж гишүүнийгээ Нүүрсний сонсголын хоёрдахь үе шатанд гэрчээр урьж оролцуулна" гэв.