Энэ мэдээ хуучирсан буюу 2023/12/04-нд нийтлэгдсэн мэдээ болно.

ШҮҮХ: Сэтгүүлч Н.Өнөрцэцэгийг прокурорын мэдэгдэх хуудсаар дуудаад ирээгүй нь цагдан хорих үндэслэл болсон

Ангилал
 Хууль эрх зүй
Огноо
Унших
1 минут 28 секунд

Сонгинохайрхан дүүргийн Эрүүгийн хэргийн анхан шатны шүүхээс Сэтгүүлч Н.Өнөрцэцэгт авсан цагдан хорих, таслан сэргийлэх арга хэмжээний талаарх мэдээллийг ирүүллээ. Тодруулбал,

"Сонгинохайрхан дүүргийн Эрүүгийн хэргийн анхан шатны шүүхийн 2023.12.04-ний өдрийн 2023/ЦШЗ/1829 дугаар ерөнхий шүүгчийн захирамж,

Шүүхийн процессын тойм: 2023.12.04

Шийдвэрийн төлөв: Хүчин төгөлдөр болсон.

Санамж: “Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно”

Прокуророос Н.Өнөрцэцэгийн худал мэдээлэл тараасан гэсэн 5 үйлдэл, бусдын эд хөрөнгийг авахаар заналхийлсэн гэсэн 1 үйлдэлд тус тус эрүүгийн хэрэг үүсгэж, яллагдагчаар татсан, мөн 1 үйлдэлд хэрэг бүртгэлтийн хэрэг нээн мөрдөн шалгах ажиллагаа явуулж байгаа нөхцөл байдал тогтоогдсон.

Н.Өнөрцэцэгийг мөрдөгч нараас 21 удаа утсаар ирэхийг мэдэгдсэн боловч ирээгүй учраас прокуророос мэдэгдэх хуудсаар нийт 6 удаа дуудахад гуравт нь хүндэтгэн үзэх шалтгаангүйгээр ирээгүй зэргээр хэрэг хянан шийдвэрлэх ажиллагааг удаашруулах, саад учруулах үйлдлийг удаа дараа гаргаж байгаа нь хуульд заасан яллагдагчийн хүлээсэн үүргийн зөрчилд хамаарах тул прокурорын цагдан хориулах саналыг шүүх хүлээн авч шийдвэрлэв" гэв.

ШУУД: Сэтгүүлч Н.Өнөрцэцэгийг цагдан хорих тогтоолыг танилцуулж байна
ШУУД: Сэтгүүлч Н.Өнөрцэцэгийг цагдан хорих тогтоолыг танилцуулж байна
 
Дархан хотоо төлөөлсөн “ДАРХАН“ баг олон жилийн дараа “Алтан цом” өргөлөө
Дархан хотоо төлөөлсөн “ДАРХАН“ баг олон жилийн дараа “Алтан цом” өргөлөө
Энэ мэдээ хуучирсан буюу 2023/12/04-нд нийтлэгдсэн мэдээ болно.