Саяхан БНСУ-ын талаас тус улсын баячуудын хороолол болох Ганнам дүүрэгт манай улсын сайдыг 3 хаус эзэмшдэг гэсэн мэдээлэл гаргасан билээ. Тус мэдээлэл цацагдсанаас хойш "хэргийн эзэн" хэн байж болох талаар олон таамаг гарч, маргаан өрнөж байгаа юм. Тэгвэл энэ асуудлаар Сангийн сайд Ч.Хүрэлбаатар өөрийн албан ёсны фейсбүүк хуудаснаа нилээд ширүүхэн мэдэгдэл хийжээ. Тэрээр:

"Мөнгөөр төрүүлсэн эхийгээ ч худалдахад бэлэн, урьдчилгаа төлбөрт нөхцлөөр сүнсээ аль эрт худалдчихсан хэдэн “хумснууд” Хүрэлбаатар сайд Ганнам гэдэг газар 3 хаустай гэсэн гүтгэлгийг хуурамч хаягаар эхэлж тавиад баахан сэвцгээжээ.  Мөнгө төлөөд спонсордчихжээ бас. Сонгуулийн синдром дууссан гэж бодсон юмсан, дараагийн төлбөр хийгдээд намайг муулах, харлуулах ээлжит компанит ажиллагааг эхлүүлчихсэн үү?  
Ганнам байна уу, Жаннам байна уу, Чаннам байна уу хамаагүй тэнд чинь хаус битгий хэл ууж байгаад дутуу орхичихсон ус ч байхгүй. Гүтгэхгүйгээр амьдарч чаддаггүй “хумснууд” шар хаданд очиж эмчилгээ хийлгэцгээнэ үү." гэсэн байна.