Өнгөрөгч долоо хоногт УИХ-аас ирэх оны төсвийг баталсан билээ. Төсөвтэй холбогдуулан Сангийн сайд Б.Жавхлан болон УИХ дахь МАН-ын бүлгийн дарга Д.Тогтохсүрэн нар мэдээлэл хийж байна. Энэ үеэр МАН-ын бүлгийн дарга Д.Тогтохсүрэн "Улсын төсвийн тэнцлийг сайжруулсан. Энэ үүргийнхээ дагуу 600 орчим тэрбум төгрөгөөр төсвийн тэнцлийг сайжруулсан. 2 их наяд гаруй төгрөгийн төсвийн алдагдал байхаар оруулж ирсэн. Төсвийн алдагдлыг 1.5 их наяд төгрөг болгож бууруулсан. Хоёрдугаарт, төсвийн зарлагыг 320 орчим тэрбум төгрөгөөр бууруулсан" гэв.