Засгийн газрын өнөөдрийн хуралдаанаас гарсан зарим шийдвэрүүдийн талаар холбогдох сайдууд мэдээлэл өглөө. Энэ үеэр ХНХ-ын сайд Х.Булгантуяа хүүхдэд ээлтэй такси үйлчилгээг нэвтрүүлэхээр хувийн хэвшлүүдтэй хамтран ажиллаж байгаа талаарх мэдээллийг өгсөн юм. Тодруулбал,

"Хүүхдэд ээлтэй такси үйлчилгээг бий болгоно. Эцэг эхчүүд нь тус таксиг дуудаж үйлчлүүлэх бөгөөд гаднын улсуудын жишгээр дотроо хяналтын камертай байна. Түүнээс гадна жолооч нарыг сургалтад хамруулж, такси үйлчилгээг нэвтрүүлбэл эцэг, эхчүүд ч сэтгэл амар, тайван байх боломжтой юм. Тиймээс бид хувийн хэвшлүүдтэй хамтран ажиллаж байна. Үүнд ч мөн хувийн хэвшлүүд маань санаачилга сайтай оролцож байна" гэв.