ХӨСҮТ-ийн захирал Д.Нямхүү /7 сарын 26-ны өдрийн ЭМЯ-ны хэвлэлийн хурал/
ЭМЯ-наас Ковид-19 цар тахалтай холбоотойгоор цаг үеийн мэдээлэл өглөө.
ХӨСҮТ-ийн Ерөнхий захирал Д.Нямхүү:
Өчигдөр ХӨСҮТ-ийн Вирус судлалын лаборатори, Дархан-Уул аймгийн салбар лабораториудад нийтдээ 264 хүний сорьцод шинжилгээ хийлээ. Бүгдэд нь коронавирус илрээгүй. Үүнийг дэлгэрэнгүй танилцуулбал, 2020 оны долдугаар сарын 7-нд Сөүл-Уб чиглэлийн онгоцоор ирсэн 179 хүний сорьцод 3 дахь давтан шинжилгээ хийж үзэхэд коронавирус илрээгүй байна. Мөн ХӨСҮТ-д тусгаарлагдсан 8 хүний давтан шинжилгээ, ажиглах байранд тусгаарлагдсан 50 хүний давтан шинжилгээ, Алтанбулгийн боомтоор орж ирсэн ачаа тээврийн 21 жолоочийн сорьц, Сэлэнгэ аймагт тусгаарлагдсан 3 хүний давтан шинжилгээнд тус тус коронавирус илрээгүй.
Өнөөдөр өглөө 7 цагт Франкфурт-УБ-ын онгоцоор 266 иргэнээ татан авсан. Үүнээс сэжигтэй гэж үзэж 4 хүнийг, хавьтал гэж үзэж 4 хүнийг ХӨСҮТ-д тусгаарлалаа. Бусдыг нь ажиглах байранд тусгаарлаж байна." гэлээ.
