Ардчилсан намын дэргэдэх Ардчилсан эмэгтэйчүүдийн холбооны дээд чуулган болж, Ерөнхийлөгчөө сонгосон. Тодруулбал, анх 9 хүн өрсөлдөхөөр бүртгүүлсэн ч НИТХ-ын төлөөлөгч Д.Энхтуяа болон АН-ын гишүүн Г.Хажидмаа нар нэрээ татсан. Ийнхүү АН-ын Ардчилсан эмэгтэйчүүдийн холбооны Ерөнхийлөгчөөр Батбаярын Жаргалан 50.8 хувийн саналаар сонгогдсон билээ.
Тэгвэл ардчилсан намын дарга асан С.Эрдэнэ твиттер хуудсаараа дамжуулан өөрийн байр сууриа илэрхийлжээ. Тэрбээр " Ямар ч байсан АЭХ маань шинэ тэргүүнээ сонгосон байна. Амжилт хүсье. Хамгийн гол нь АЭХ-оор дамжуулж АН-ын эрх мэдлийг авах гэсэн түрэмгийлэгч Орос түүний тавиулуудын хүсэл талаар болж АН-бие даасан ардчиллын туг сүлд цайз хэвээрээ байгааг батлан харуулсан үйл явдал болж үлдлээ" хэмээжээ.
