Увс аймаг, Тэс сумын нэгдүгээр багийн “Дунд бух” гэдэг газар /аймгийн төвөөс зүүн хойш зүгт 213 км, сумын төвөөс баруун зүгт 41 км, Ө-50°34’12.0″, У-93°03’36.0″/ есдүгээр сарын 25-ны өдрийн 01:22:07 цагт 3.8 магнитудын хүчтэй газар хөдлөлт болсон байна.
"Энэ тухай мэдээллийг ШУА-ийн ООГХ-ээс мөн өдрийн 01:29 цагт цахим шуудангаар ирүүлсэн. Тус аймгийн Онцгой байдлын газраар дамжуулан сумын Засаг даргын орлогчоос тодруулахад газар хөдлөлтийн чичирхийлэл иргэдэд мэдрэгдээгүй бөгөөд учирсан хохиролгүй тухай мэдээллээ" гэж ОБЕГ-аас мэдээлэв.
