Монгол Улсын Их Хурлын 2022 оны 37 дугаар тогтоолоор Төрийн ордны хойд талын 1.3 га талбай бүхий цэцэрлэгт хүрээлэнг олон нийтэд нээлттэй болгох шийдвэр гарсан бөгөөд үүний дагуу тохижилтын ажил бүрэн дуусаж, үүдээ нээсэн.
Тэгвэл Улаанбаатар хотын Захирагчийн ажлын албанаас тухайн цэцэрлэгт хүрээлэнг дан ганц ногоон байгууламж бус, Монгол Улсын түүхэн дурсгалт газар болгох шийдлээр тохижуулсан ба Алтан ургийн хаадын тоог 37 хас тэмдгээр төлөөлүүлэн бүтээж, 12 жилийг бэлгэдсэн өрөлт цутгуур, Хүннүгийн язгууртны булшнаас илэрсэн зээгт хатгамал бүхий ширмэл ширдгийг чулуугаар сийлбэрлэн мөнхжүүлжээ.
