Сангийн сайд Б.Жавхлан Засгийн газрын хуралдаанаас гарсан шийдвэрүүдийн талаар мэдээлэл өгөх үеэрээ ипотекийн зээлийн талаарх сүүлийн үеийн мэдээллийг өгсөн юм.

Тэрбээр, "Хоёр долоо хоногийн өмнөх ЗГ-ын хуралдаанаар ипотекийн асуудал яригдсан. Засгийн газраас олон улсын жишигт нийцсэн инстуцийг хөгжүүлэх шаардлагатай байгаа. Одоогоор хугацаа хэрэгтэй байна. Сүүлийн мэдээллээр, найман сараас эхлээд банкуудад өмнөх хэмжээгээр буюу хэвийн эх үүсвэрийг шилжүүлээд эхэлсэн байгаа гэж Монголбанкнаас мэдээлэл авсан. Тиймээс 9 сараас эхлээд ипотекийн зээл хэвийн үргэлжлээд явна" гэв.