Согтууруулах ундааны эргэлтэд хяналт тавих, архидан согтуурахтай тэмцэх тухай хуулийн 25 дугаар зүйлд заасны дагуу “Согтууруулах ундааны хариуцлагатай үйлчилгээ”-тэй холбоотой хууль тогтоомжийг хэрэгжүүлэх, гэмт хэрэг зөрчлөөс урьдчилан сэргийлэхэд чиглэсэн үйлчилгээний арга барилыг төлөвшүүлэх үүднээс энэхүү сургалтыг зохион байгууллаа. Тус сургалтад согтууруулах ундаагаар үйлчлэх тусгай зөвшөөрөлтэй хоол үйлдвэрлэл эрхлэгч нар хамрагдсан юм. Цаашид Баянзүрх дүүргийн Хүнс, худалдаа үйлчилгээний хэлтэс болон Хууль, эрх зүйн хэлтсээс 7 хоног бүрийн 3,5 дахь өдөр сургалтыг тогтмол зохион байгуулах бөгөөд хамрагдах хүсэлтэй аж ахуй нэгжүүд оролцох бүрэн боломжтой аж.

Д.Дөлгөөн