Засгийн газрын хуралдаанаас гарсан шийдвэрүүдийн талаар зарим сайд нар мэдээлэл хийж байна. Өнөөдрийн хуралдаанаар "Шүүх эрх мэдлийн хөгжлийн бодлого батлах тухай УИХ-ын тогтоолын төсөл"-д Засгийн газраас өгөх санал дүгнэлтийг гаргажээ.
Энэ талаар ХЗДХ-ийн сайд Х.Нямбаатар мэдээлэл өгсөн бөгөөд тэрбээр,
"Өнөөдрийн Засгийн газрын хуралдаанаар "Шүүх эрх мэдлийн хөгжлийн бодлого батлах тухай УИХ-ын тогтоолын төсөлд Засгийн газраас өгөх санал дүгнэлт"-ийг гаргалаа. 2021 онд "Монгол Улсын шүүхийн тухай хууль" батлагдсан.
Бидний дараагийн зорилт бол "Шүүх эрх мэдлийн хөгжлийн бодлогын баримт бичигтэй болъё" гэдэг зорилтыг Шүүхийн тухай хуульд бичсэн. Энэ хүрээнд "Шүүхийн бодлогын баримт бичгийн төсөл" бэлэн боллоо. УИХ-ын намрын чуулганаар хэлэлцүүлэх бэлтгэл ажлыг хийж байгаа.
