Өнөөдөр манай улсын их дээд сургууль, коллеж, ерөнхий боловсролын сургууль, цэцэрлэг бүхэн инээд баясал, эрдмийн баяраар цалгиж, анхны хонхны дуугаар шинэ хичээлийн жилээ эхлүүлж байна. Иймд Ubn.mn сайтын сурвалжлах баг Төв аймгийн Жаргалант сумын Загдал багийн ерөнхий боловсролын бага сургуулийн хичээлийн шинэ жилийн нээлтийн үйл ажиллагааг шууд дамжуулан үзүүлж байна.
Тус сургуульд нийт 20 сурагч суралцдаг бөгөөд энэ жил 1-р ангид дөрвөн сурагч элсэн суралцаж буй аж. Мөн хоёр багш Загдал сумын сургуулийг хариуцан ажилладаг бөгөөд хоёр ээлжээр хоёр ангийг даан хичээллүүлдэг аж.
