Монголын хип хоп урлагт уран бүтээлээрээ өөрсдийн гэсэн байр суурийг эзэлсэн “Outlaw” хамтлагийн 20 жилийн ой ирэх жил тохионо. Тэд ирэх жил ойн тоглолтоо хийнэ гэдгээ “Outlaw” хамтлагийн ахлагч Э.Ариун-Эрдэнэ мэдээлжээ. Тэрбээр "Ирэх жил OUTLAW хамтлаг 20 жилийн ойтой утгаар нь тоглолтыг хийж үзүүлнэ ээ. 2009, 2010 онд UB palace-н Open air-н задгай талбайг 2 удаа дүүргэж 20000 хүнийг цуглуулж рекорд хийж байсан хамтлаг билээ" гэжээ.

“Outlaw” хамтлагийн залуусыг “Зүрхэн тэнгэрийн наран”,”Мөсөн хайр”,”Надаас бүү холдооч”,”Хайр яагаад”,”Чи миний бүх юм байсан”, “Нандин” зэрэг хит дуунуудаар сонсогчид андахгүй билээ.