Засгийн газар өнөөдөр ээлжит бусаар хуралдсан. Уг хуралдаанаар өнгөрсөн Лхагва гарагийн Засгийн газрын хуралдаанаар хэлэлцэж амжаагүй асуудлуудаа хэлэлцсэн юм.

Ингээд хурлаас гарсан шийдвэрийг сайд нар танилцуулж байна. Энэ үеэр ЗТХ-ийн сайд С.Бямбацогт "Тамын 50 гэж нэрлэдэг Дорнод Хэнтий чиглэлийн зам, түүний цаад талд 27 км зам гээд чанаргүй барьсан замууд бий. Эдгээрийг хууль хяналтын байгууллагад шилжүүлж, хариуцлага тооцохоор ажиллаж байгаа. Үүнээс гадна тухайн замуудыг ирэх жил засаж сайжруулах бодлогыг хэрэгжүүлнэ" гэв.