АНУ-ын Теннеси мужийн “Брайтс” амьтны хүрээлэнд толбогүй анааш мэндэлсэн талаар “The Washington Post” сонин мэдээлжээ. Амьтны хүрээлэнгийн ажилчид үүнийг толбогүй цорын ганц анааш гэж мэдэгдсэн байна.
Анааш нь төрөлхийн махчин амьтдаас нуугдахад тусалдаг бие даасан толботой төрдөг байна. Үүнээс гадна толбо бүрийн доор терморегуляцын үйл явцац оролцдог цусны судасны систем байдаг аж. Амьтны хүрээлэнгийхан өвөрмөц анааш төрсөнөөр Африкт эдгээр амьтдын тоо толгой цөөрч буй талаар асуудалд дэлхий нийт анхаарал хандуулна гэж найдаж байгаа юм. Мөн тус анаашны нэрийг сонгох санал хураалт хийж эхэлжээ.
Эх сурвалж: BBC
Х.Түмэнжаргал
