Энэ мэдээ хуучирсан буюу 2023/08/15-нд нийтлэгдсэн мэдээ болно.

СЭРЭМЖЛҮҮЛЭГ: Өнөө шөнө, маргааш өдөртөө ихэнх нутгаар ус ихтэй бороо орно

Ангилал
Бусад
Огноо
Унших
1 минут 52 секунд

Улсын онцгой комиссоос цаг агаарын аюултай үзэгдлээс сэрэмжтэй байхыг сануулсан мэдээллийг хүргэж байна.

Тодруулбал, Өнөө шөнө Хөвсгөлийн зүүн, Архангай, Баянхонгорын нутаг, маргааш өдөр Өвөрхангай, Булган, Төв, Сэлэнгийн нутгаар ахиухан хэмжээний бороо орно.

Малчид, иргэд, аялагчидын анхааралд:

Өнөө шөнөдөө баруун аймгуудын нутгийн зүүн, төвийн аймгуудын нутгийн баруун хэсгээр, маргааш өдөртөө төвийн аймгуудын ихэнх нутгаар усархаг бороо, дуу цахилгаантай аадар бороо орох тул болзошгүй аянга цахилгаан, мөндөр, нөөлөг салхи, үер усны аюулаас сэрэмжтэй байхыг онцгойлон анхааруулж байна.

2023. 08-р сарын 17-21-нийг хүртэлх цаг агаарын урьдчилсан төлөв:

17-нд баруун болон говийн аймгуудын нутгийн хойд хэсэг, төв болон зүүн аймгуудын нутгийн зарим газраар,

18, 20-нд нутгийн хойд хэсгээр,

19-нд төв болон зүүн аймгуудын нутгийн зарим газраар бороо, дуу цахилгаантай аадар бороо орно.

Салхи ихэнх хугацаанд секундэд 6-11 метр, 17, 18-нд говь, тал, хээрийн нутгаар секундэд 13-15 метр хүрч, нутгийн зарим газраар борооны өмнө түр зуур ширүүснэ.

Ихэнх нутгаар сэрүүсэж, Монгол-Алтай, Хангай, Хөвсгөлийн уулархаг нутаг, Тэрэлж голын хөндийгөөр шөнөдөө 0...+5 градус, өдөртөө +12...+17 градус, говийн бүс нутгийн өмнөд хэсгээр шөнөдөө +16...+21 градус, өдөртөө +27...+32 градус, Их нууруудын хотгор, говийн бүс нутгийн хойд хэсгээр шөнөдөө +11...+16 градус, өдөртөө +22...+27 градус, бусад нутгаар шөнөдөө +6...+11 градус, өдөртөө +18...+23 градус дулаан байна.

39 байршлын 1066 гарааш чөлөөлсөн талбайд бүтээн байгуулалтын ажил хийжээ
39 байршлын 1066 гарааш чөлөөлсөн талбайд бүтээн байгуулалтын ажил хийжээ
 
С.Эрдэнэ: Намын анхан шатнаас нэр дэвшээч гэж хүсэлт ирсэн. Би хүлээж авахад бэлэн
С.Эрдэнэ: Намын анхан шатнаас нэр дэвшээч гэж хүсэлт ирсэн. Би хүлээж авахад бэлэн
Энэ мэдээ хуучирсан буюу 2023/08/15-нд нийтлэгдсэн мэдээ болно.