УЦУОШГ-аас малчид, иргэд, тээвэрчдэд дараах сэрэмжлүүлгийг өглөө. Тодруулбал,

"Өнөөдөр /2023.07.23/ төвийн аймгуудын ихэнх нутгаар усархаг аадар бороо орох тул болзошгүй нөөлөг салхи, мөндөр, аянга цахилгаан, үер усны аюулаас сэрэмжтэй байхыг анхааруулж байна" гэв.

Иймд иргэд та бүхэн үер, усны ослоос урьдчилан сэргийлж, аюулгүй байдлаа хангахыг анхааруулж байна.

• Хүүхдийг голын эрэг дагуу харгалзах хүнгүй явуулахгүй, тоглуулахгүй байх,
• Бага насны хүүхдэд тавих хараа, хяналтаа сайжруулах,
• Архи, согтууруулах ундаа хэрэглэсэн үед голын усанд орохгүй байх,
• Дуу цахилгаантай аадар бороотой үед үер усны аюулаас сэрэмжтэй байх
• Гол мөрний усны түвшин нэмэгдсэн үед баталгаатай гүүр, гарам, гарцтай газраар автомашинтай зорчихыг зөвлөж байна.