Өчигдөр МАН-ын Удирдах зөвлөл хуралдаж Засгийн газрын сайд нарын нэрсийг баталсан. 

Монгол Улсын Их Хурлын дэгийн тухай хуульд заасны дагуу шинээр томилогдох сайд нарыг Ерөнхий сайд У.Хүрэлсүх өнөөдөр УИХ-д танилцууллаа. 

Зам, тээврийн хөгжлийн сайдад нэр дэвшүүлж томилогдох болсон Л.Халтар 1983 онд УБТЗ хувь нийлүүлсэн нийгэмлэгийн захиргааны хэлтэст цэвэрлэгч, 1983-1985 мөн хувь нийлүүлсэн нийгэмлэгийн худалдааны баазад ачигч хийж байжээ. 

Л.Халтар нь Ховд аймгийн Дарви суманд 1965 онд төрсөн. Ам бүл 4, Дээд боловсролтой.

Төгссөн сургууль:

1983 онд Нийслэлийн 28 дугаар дунд сургуулийг төгссөн.
1990 онд ОХУ-ын Санкт-Петербургийн Зам харилцааны их сургуулийг Төмөр замын ашиглалтын инженер;
1993 онд Удирдлагын хөгжлийн институтийг Бизнесийн менежер мэргэжлээр тус тус төгссөн;
1999 онд Эрхүү хотод Зам харилцааны их сургуульд докторын зэрэг хамгаалсан

Ажилласан байдал:

1983-1985 онд УБТЗ ХНН-ийн ажилтан;
1990-1992 онд УБТЗ ХНН-ийн техникумд инженер багш;
1992-1993 онд УБТЗ ХНН-ийн /АБТЭМА / Ачиж буулгах ангийн орлогч дарга;
1993-2006 онд УБТЗ ХНН-ийн Олон улсын тээвэр зуучлалын төвийн захирал;
2006-2015 онд УБТЗ ХНН-ийн Нийгмийн асуудал хариуцсан орлогч дарга;
2015-2017 онд УБТЗ ХНН-ийн Хөрөнгө оруулалт, нийгмийн асуудал хариуцсан орлогч дарга;
2017 оноос 2018 он хүртэл УБТЗ ХНН-ийн Тээвэрлэлт, хөдөлгөөн хариуцсан орлогч даргаар ажиллаж байсан.