Учир битүүлгээр амиа алдсан Монгол Улсын зөвлөх эмч, анагаах ухааны доктор Г.Ганжаргалын ар гэрийнхэн талийгаачийн үхлийн шалтгааныг тогтоон өгөхийг шаардаж мэдээлэл хийлээ.
Талийгаач Г.Ганжаргалын эхнэр А.Отгонцэцэг "Нөхөрт маань 2 удаагийн задлан шинжилгээ хийсэн. Одоо 3 дахь задлан шинжилгээ хийх тогтоол нь гарчихлаа. Анхны болон давтан шинжилгээнүүд нь хоорондоо зөрүүтэй учир дахин шинжилгээ хийхээр болсон. Энэ дахин шинжилгээнд гэмтлийн чиглэл бүрийн эмч нарыг оролцуулж өгөөч гэж хүсэж байна. Өндрөөс унасан гэсэн хэрнээ дотор эрхтэн нь зүгээр, гавлын яс нь хоёр хуваагдаж, хоолойд нь боосон мэт хөхрөлт үүссэн байсан байхад гадны нөлөөгүй гэсэн шинжээчийн дүгнэлтийг үндэслэлгүй гэж үзэж байна" хэмээлээ.
