Энэ мэдээ хуучирсан буюу 2023/06/08-нд нийтлэгдсэн мэдээ болно.

ХЗБХ: Ажлын хэсэг байгуулах тухай тогтоолын төслийг дэмжлээ

Ангилал
Улс төр
Огноо
Унших
1 минут 19 секунд

Улсын Их Хурын Хууль зүйн байнгын хороо өнөөдөр /2023.06.08/ хуралдаж, Ажлын хэсэг байгуулах тухай тухай Улсын Их Хурлын тогтоолын төслийг хэлэлцэн, дэмжлээ.

Тогтоолын төсөлд, Үндсэн хуулийн цэцийн 2023 оны 02 дугаар дүгнэлтийг Улсын Их Хурал хүлээн зөвшөөрсөнтэй холбогдуулан Монгол Улсын шүүхийн тухай, Захиргааны хэргийг шүүхэд хянан шийдвэрлэх тухай, Эрүүгийн хэрэг хянан шийдвэрлэх тухай, Иргэний хэрэг шүүхэд хянан шийдвэрлэх тухай хуулиудад нэмэлт, өөрчлөлт оруулах тухай хуулийн төслүүдийг боловсруулж, хэлэлцүүлэгт бэлтгэх үүрэг бүхий Ажлын хэсэг байгуулахаар тусгасан байна. Ажлын хэсгийн ахлагчаар Улсын Их Хурлын гишүүн, Хууль зүйн байнгын хорооны дарга Б.Энхбаяр, гишүүдэд Улсын Их Хурлын гишүүн Д.Ганбат, Ш.Раднаасэд, Ж.Сүхбаатар, Д.Цогтбаатар нарыг томилон ажиллуулахаар тогтоолын төсөлд төлөвлөсөн байна.

Тогтоолын төсөлтэй холбогдуулан асуулт асууж, үг хэлэх гишүүн гарсангүй. Иймд санал хураалт явуулахад Байнгын хорооны хуралдаанд оролцсон гишүүдийн олонх дэмжсэн тул Улсын Их Хурлын чуулганы нэгдсэн хуралдаанд танилцуулахаар боллоо

ӨНӨӨДӨР: Стратегийн команд штабын сургуулийн хүрээнд 15.55-16.10 цаг хүртэл зам хаана
ӨНӨӨДӨР: Стратегийн команд штабын сургуулийн хүрээнд 15.55-16.10 цаг хүртэл зам хаана
 
Маргаашаас эхлэн Булган руу 32 мянга, Хөвсгөл рүү 59 мянгаар зорчино
Маргаашаас эхлэн Булган руу 32 мянга, Хөвсгөл рүү 59 мянгаар зорчино
Энэ мэдээ хуучирсан буюу 2023/06/08-нд нийтлэгдсэн мэдээ болно.